Fylkir var að tryggja sér Shannon Simon sem lék með Grindavík sumarið 2019. Shannon er skapandi sóknarleikmaður sem spilar framarlega á miðjunni eða úti á kanti.
Shannon er fædd 1996 og varð tvöfaldur meistari í Finnlandi með Aland United í fyrra. Shannon var mikið í kringum byrjunarliðið.
Shannon lék með Seattle Reign í Bandaríkjunum áður en hún skipti til Grindavíkur.
Hún kom til landsins í síðustu viku og hefur hafið æfingar með Fylki. Hún gæti tekið þátt í fyrsta heimaleik Fylkis núna á þriðjudaginn gegn Tindastóli.
„Við bjóðum Shannon hjartanlega velkomna í Árbæinn!" segir í Facebook færslu Fylkis.
Athugasemdir