Norski framherjinn Erik Botheim er á leið til Salernitana á Ítalíu en hann kemur á frjálsri sölu. Þetta segir ítalski blaðamaðurinn Fabrizio Romano.
Botheim er 22 ára gamall og var síðast á mála hjá rússneska félaginu Krasnodar.
Hann kom til félagsins eftir að hafa skorað 23 mörk fyrir Bodö/Glimt á síðasta ári, en tókst þó aldrei að spila leik í Rússlandi.
Eftir innrás Rússa inn í Úkraína ákvað Botheim að mæta ekki á æfingar og kom sér úr landinu. Hann nýtti sér svo vinnuúrræði FIFA áður en Krasnodar komst að samkomulagi um að rifta samningnum í maí.
Erling Braut Haaland, einn besti vinur Botheim og liðsfélagi í norska landsliðinu, virtist koma með vísbendingu um næsta áfangastað Botheim á Instagram á dögunum, en hann vísaði þá í lag sem er oft spilað á leikjum skoska félagsins Rangers.
Botheim var lengi í viðræðum við Rangers en hefur nú ákveðið að fara til Ítalíu og semja við Salernitana í Seríu A. Hann var í Salerno á dögunum og krotaði þar undir fjögurra ára samning.
Þetta er annar Norðmaðurinn sem gengur í raðir Salernitana en Emil Bohinen var keyptur á dögunum frá rússneska félaginu CSKA Moskva.
Athugasemdir