Deniz Undav, framherji Brighton, vonast til að vera áfram hjá Stuttgart en hann var á láni hjá þýska liðinu á síðustu leiktíð.
Undav er mjög ósáttur með samskiptaleysi enska félagsins á meðan hann var á láni frá félaginu.
„Ég heyrði ekki neitt frá Brighton í heilt ár. Ég fékk enga virðingu á þeim tíma sem ég var í burtu frá Brighton, öllum var sama um mig," sagði Undav.
„Það er útlit fyrir að félögin séu í stöðugum samskiptum. Ef ég verð ekki seldur verður það biturt og leiðinlegt því ég vil vera hérna í Stuttgart. Ef ekki, verð ég bara að fara til baka."
Hann grætur þó ekki í koddann ef hann verður áfram hjá Brighton.
„Það er margt verra en að spila í úrvalsdeildinni og ég skulda Brighton mikið," sagði Undav.
Athugasemdir
