Úrvalslið umferðarinnar í ensku úrvalsdeildinni er komið úr prentun. Garth Crooks, sérfræðingur BBC, horfði á alla leikina um helgina og hefur komist að niðurstöðu.
Markvörður: Alisson (Liverpool) - Er einn af fimm bestu markvörðum heims að mati Crooks. Var öflugur í 2-1 sigrinum gegn Tottenham í dag.
Varnarmaður: Kieran Trippier (Newcastle) - Er að spila frábærlega fyrir Newcastle sem hefur hreiðrað vel um sig á Meistaradeildarsvæðinu.
Varnarmaður: William Saliba (Arsenal) - Er að eiga rosalegt tímabil. Vörn Arsenal var frábær gegn Chelsea en Saliba skaraði framúr.
Varnarmaður: Lucas Digne (Aston Villa) - Skoraði glæsilegt aukaspyrnumark í 3-1 sigrinum gegn Manchester United.
Miðjumaður: Kevin de Bruyne (Manchester City) - Heldur áfram að gera gæfumuninn og fór á kostum í sigrinum gegn Fulham.
Miðjumaður: James Maddison (Leicester) - Í algjöru lykilhlutverki, eins og oft áður, í sóknarleik Leicester sem vann Everton.
Miðjumaður: Adam Lallana (Brighton) - Skoraði og átti glæsilega frammistöðu í sigri Brighton gegn Úlfunum.
Miðjumaður: Crysencio Summerville (Leeds) - Aftur stjarna sýningarinnar í sigri Leeds. Liðið vann endurkomusigur gegn Bournemouth.
Sóknarmaður: Wilfried Zaha (Crystal Palace) - Palace vann West Ham. Zaha er farinn að nýta færin sín betur og það eru ekki góð tíðindi fyrir andstæðingana.
Athugasemdir