Gummi Tóta er kominn með annan fótinn í 8-liða úrslit gríska bikarsins
Guðmundur Þórarinsson og félagar í OFI Crete unnu 3-1 sigur á Ögmundi Kristinssyni og hans mönnum í Kifisias í gríska bikarnum í kvöld.
Guðmundur lék allan leikinn í vörn OFI Crete á meðan Ögmundur stóð á milli stanganna hjá Kifisias. Þetta var fyrsti leikur Ögmundar síðan í lok september.
Crete vann góðan sigur og er því komið í ágætis stöðu fyrir seinni leikinn sem fer fram á heimavelli Kifisias 10. janúar.
Atromitos gerði þá 1-1 jafntefli við AEL Larissa á sama tíma, en Samúel Kári Friðjónsson var ekki með Atromitos vegna veikinda.
Liðin eigast aftur við þann 10. janúar.
Athugasemdir
