Wijnaldum vill vera hjá Liverpool eins lengi og mögulegt er

Wijnaldum á aðeins 18 mánuði eftir af samningi sínum og hafa verið sögur um að hann gæti farið þegar samningur hans er á enda. Miðjumaðurinn telur þó að hann sé hjá besta félagi í heimi og viðræður um nýjan samning séu í vændum.

Hinn 29 ára gamli Wijnaldum er sáttur og enginn hjá félaginu er að stressa sig á samningastöðu hans.

Hollendingurinn er einbeittur á að vinna ensku úrvalsdeildina með Liverpool á þessu tímabili, en félagið er á toppi deildarinnar með 13 stiga forskot.

Wijnaldum hefur nú þegar hjálpað Liverpool að vinna Meistaradeildina, Ofurbikar Evrópu og HM félagsliða.