Liverpool er með 27 stigum minna en á þessum tímapunkti á síðasta tímabili. Opta segir frá því að ríkjandi Englandsmeistaralið hafi aldrei tapað eins mörgum stigum á milli leiktíða á þessum tímapunkti tímabilsins.

Liverpool er einnig fyrsta meistaraliðið sem tapar þremur heimaleikjum í röð - tímabilið eftir sigur í deildinni - frá því að Chelsea gerði það fyrir næstum því 65 árum síðan. Þetta var fyrsti sigur Pep Guardiola, stjóra Manchester City, á Anfield.

Meiðsli hafa sett strik í reikninginn hjá Liverpool á tímabilinu. Varnarmennirnir Virgil van Dijk og Joe Gomez hafa verið lengi frá og það spilar auðvitað mikið inn í. Þá eru margir leikmenn að spila undir getu.