Evangelos Marinakis er einn litríkasti eigandinn í fótboltanum.
Nottingham Forest fagnar marki á tímabilinu.
Marinakis hér með Morgan Gibbs-White, leikmanni Forest.
Leikmenn, stjórar og jafnvel félög í ensku úrvalsdeildinni hafa sett skóinn út í glugga í von um að fá glaðning frá jólasveinunum. Fótbolti.net ætlar að fjalla um það fram að jólum hvað jólasveinarnir eru að bjóða upp á þetta árið.
Núna skoðum við hvað Evangelos Marinakis, eigandi Nottingham Forest, fékk frá Skyrgámi.
Núna skoðum við hvað Evangelos Marinakis, eigandi Nottingham Forest, fékk frá Skyrgámi.
Marinakis er ástríðufullur eigandi, lifir og hrærist í hverri einustu ákvörðun félagsins og lætur sig allt varða; frá leikmannakaupum til þess hvernig liðið spilar.
Það er enginn vafi á því að Marinakis vill Forest allt hið besta.
Vandamálið er bara að stundum vill hann það of mikið.
Það getur reynst erfitt að byggja stöðugleika hjá félaginu þegar eigandinn er alltaf kominn niður í klefa, tilbúinn að skipta sér af. Eða þegar hann tekur illa ígrundaðar ákvarðanir.
Þegar Skyrgámur kíkti í skó Marinakis í nótt ákvað hann að senda honum skýr skilaboð.
Áhorfendasæti
Sætið er þægilegt og traust, og á góðum stað á vellinum.
En það er eitt stórt skilyrði.
Þetta er sæti fyrir áhorfanda, og ekkert meira.
Hugmyndin er einföld:
Setjast niður, fylgjast með og leyfa öðrum að vinna vinnuna.
Sætið er áminning um að:
- Eigandinn þarf ekki alltaf að vera aðalpersónan.
- Stöðugleiki verður ekki til í stöðugri íhlutun.
- Stundum er besta ákvörðunin sú að taka engar ákvarðanir í augnablikinu.
Nottingham Forest þarf ró, tíma og skýra stefnu. Áhorfendasætið segir Marinakis að ef hann slakar aðeins á þá getur Forest tekið næstu skref.
Marinakis mun líklega aldrei verða rólegur eigandi, og kannski á hann ekki að verða það. En Skyrgámur vill að hann prófi yfir jólin að setjast niður, anda og horfa á liðið sitt spila án þess að grípa inn í.
13.12.2025 10:00
Hvað fengu Úlfarnir í skóinn frá Giljagaur?
14.12.2025 10:00
Hvað fékk Tosin í skóinn frá Stúfi?
15.12.2025 10:00
Hvað fékk Rúben Amorim í skóinn frá Þvörusleiki?
17.12.2025 10:00
Hvað fékk Salah í skóinn frá Askasleiki?
16.12.2025 10:00
Hvað fékk Aston Villa í skóinn frá Pottaskefli?
18.12.2025 10:00
Hvað fékk Arteta frá Hurðaskelli?
Athugasemdir
