KSÍ kynnti í dag drög að leikjaniðurröðun fyrir mót sumarsins. Guðni Bergsson, formaður KSÍ, segir þó að möguleiki sé á einhverjum bryetingum ennþá. „Þetta eru drögin eins og þau líta út í dag," sagði Guðni við Fótbolta.net.

Keppni í Pepsi Max-deild karla á að ljúka 31. október og úrslitaleikur Mjólkurbikarsins verður 7. nóvember samkvæmt drögum dagsins.

„Þetta gefur okkur mynd ef að við lengum tímabilið, eins og mikið hefur verið í umræðunni, hvernig við tökumst á við það. Október á að vera í ágætis lagi veðurfarslega séð en það getur brugðið til beggja vona með veðrið alveg eins og í september. Við munum tækla það. Við erum að bregðast við þessum einstöku aðstæðum og ég á von á að mótið verði fjörugt og skemmtilegt."

Ljóst er að takmarkanir verða á áhorfendum í byrjun móts en það á eftir að koma í ljós hvenig það verður útfært. Í dag er talað um takmarkið séu 100 áhorfendur en möguleiki er á að búa til fleiri en eitt áhorfendasvæði á sumum völlum.

„Það er misjafnt eftir völlum hvernig þetta gæti hentað. Þetta er eitthvað sem við munum fara betur yfir á næstu dögum," sagði Guðni.

Félagaskiptaglugginn lokaði á dögunum og breytingar verða á opnunartíma hans í sumar. „Við erum að leggja lokahönd á það og munum hliðra því til eins og við teljum að sé best í þessum aðstæðum," sagði Guðni.

Hér að ofan má sjá viðtalið í heild en þar talar Guðni einnig um möguleika á fjölgun skiptinga og breytingum á æfingum meistaraflokka.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit