Lengjudeild kvenna: Grindavík með sterkan sigur

Grótta fékk Grindavík í heimsókn í fyrsta leik 6. umferðar Lengjudeildar kvenna í kvöld.

Með sigri hefði Grótta komist á toppinn en Grindavík freistaðist þess að komast nær toppliðunum.

Ariel Lewis var nálægt því að koma Gróttu yfir þegar hún vippaði yfir Heiðdísi Emmu í marki Grindavíkur en boltinn hafnaði í stönginni.

Aðeins mínútu síðar skoraði Arianna Lynn Veland fyrir Grindavík og tryggði liðinu sigur.

Grindavík fer upp í 4. sætið og er fjórum stigum á eftir Gróttu sem er í sætinu fyrir ofan.