Það er óvíst hvort Lauren James, framherji enska landsliðsins, verði klár í slaginn fyrir úrslitaleikinn á EM kvenna á morgun en England mætir þar Spáni.
James var tekin af velli í hálfleik í sigri Englands gegn Ítalíu í undanúrslitum á þriðjudaginn vegna ökklameiðsla.
James var tekin af velli í hálfleik í sigri Englands gegn Ítalíu í undanúrslitum á þriðjudaginn vegna ökklameiðsla.
Hún sást kæla ökklann allan leikinn sem fór alla leið í framlengingu þar sem England stóð uppi sem sigurvegari að lokum. 2-1 urðu lokatölur.
Þessi 23 ára gamli framherji hefur skorað tvö mörk á mótinu til þessa. Sarina Wiegman, þjálfari enska landsliðsins, tjáði sig um meiðslin.
„Hún er að jafna sig. Hún er að vinna á vellinum en við munum gefa henni tíma. Ég veit ekki hvort hún verði klár en við ætlum að reyna að hafa 23 leikmenn til taks á sunnudaginn," sagði Wiegman.
Úrslitaleikurinn hefst klukkan 16 á morgun.
Athugasemdir
