Margir voru spenntir fyrir framlínu Atletico Madrid þegar þeir horfðu á liðið skora sjö mörk gegn Real Madrid í æfingaleik í sumar.

Joao Felix, Diego Costa og Alvaro Morate voru á pappírunum einhver besta framlína spænsku deildarinnar. Venjulega spilar Atletico með a.m.k. tvo af þessum þremur inn á.

Þrátt fyrir þessi sjö mörk hefur liðinu gengið mjög illa að skora í deildinni heima á Spáni. Liðið er einungis með sjö mörk skoruð eftir átta umferðir.

Ef stærstu liðin í Evrópu eru skoruð þarf að fara alla leið niður í 61. sæti listans til að finna lið sem hefur gengið verr að skora í heimalandinu í upphafi leiktiðar. Atletico hefur eins og fyrr segir skorað sjö mörk í átta leikjum eða 0,875 mörk. Galatasaray er með 0,857 mörk skoruð.

Marca vekur athygli á þessu og segir meira að segja Manchester United hafa gert betur en Rauðu Djöflarnir hafa skorað 1,12 mörk í leik. Borussia Dortmund, Bayern Munchen og Manchester City hafa gert meira en þrisvar sinnum fleiri mörk en Atletico liðið.

Morata, Felix og Costa hafa einungis skorað fjögur mörk í leikjunum átta í deildinni.

Tweet

Senda a Facebook Hafdu samband Senda frétt Prenta frétt Frétta leit