07.10.20 - 19:00
Brynjar Ingi Erluson
Real Madrid ætlar að fá Camavinga á næsta ári
Eduardo Camavinga fer líklega til Real Madrid á næsta ári
Mynd: Getty Images
Eduardo Camavinga fer líklega til Real Madrid á næsta ári
Mynd: Getty Images
Spænska félagið Real Madrid ætlar að festa kaup á franska miðjumanninum Eduardo Camavinga frá Rennes. Spænska blaðið Don Balon greinir frá.
Hann spilaði fyrsta leik sinn fyrir Rennes í apríl á síðasta ári en þá var hann aðeins 16 ára gamall.
Þrátt fyrir ungan aldur hefur honum tekist að vinna sér inn sæti í byrjunarliði og er nú þegar álitinn sem lykilmaður liðsins en Rennes vann sér sæti í Meistaradeild Evrópu á síðustu leiktíð.
Camavinga er eitt mesta efni Frakklands og hefur spænska félagið Real Madrid sýnt honum mikinn áhuga en samkvæmt Don Balon þá ætlar félagið að kaupa hann frá Rennes á næsta ári.
Madrídingar þurfa að greiða 55 milljónir evra fyrir þjónustu hans en Zinedine Zidane, þjálfari spænska félagsins, lítur á hann sem arftaka Casemiro á miðjunni.
Camavinga lék sinn fyrsta A-landsleik fyrir Frakkland í síðasta mánuði og er hann yngsti leikmaðurinn í 106 ár til að spila fyrir Frakkland. Hann mun væntanlega byrja er Frakkland mætir Úkraínu í vináttuleik í kvöld.
Þrátt fyrir ungan aldur hefur honum tekist að vinna sér inn sæti í byrjunarliði og er nú þegar álitinn sem lykilmaður liðsins en Rennes vann sér sæti í Meistaradeild Evrópu á síðustu leiktíð.
Camavinga er eitt mesta efni Frakklands og hefur spænska félagið Real Madrid sýnt honum mikinn áhuga en samkvæmt Don Balon þá ætlar félagið að kaupa hann frá Rennes á næsta ári.
Madrídingar þurfa að greiða 55 milljónir evra fyrir þjónustu hans en Zinedine Zidane, þjálfari spænska félagsins, lítur á hann sem arftaka Casemiro á miðjunni.
Camavinga lék sinn fyrsta A-landsleik fyrir Frakkland í síðasta mánuði og er hann yngsti leikmaðurinn í 106 ár til að spila fyrir Frakkland. Hann mun væntanlega byrja er Frakkland mætir Úkraínu í vináttuleik í kvöld.
