Undanúrslit deildarinnar í dag
Andrea Rán Hauksdóttir var í gær valin besti miðjumaður sinnar deildar í bandaríska háskólaboltanum. Þetta kemur fram á mbl.is. Þetta er annað árið í röð sem Andrea hlýtur þessa nafnbót.
Andrea átti gott tímabil í deildakeppninni bæði sóknar- og varnarlega. Hún skoraði fjögur mörk og lagði upp sjö.
Andrea var í byrjunarliði USF (Háskólinn í Suður-Flórída) í öllum leikjum tímabilsins og lék næstflestar mínútur allra leikmanna liðsins. Í dag mætir liðið lið UCF (Háskólanum í Mið-Flórída) í undanúrslitum deildarinnar. Andrea er vítaskytta liðsins.
Andrea er leikmaður Breiðabliks á Íslandi og á 10 landsleiki að baki. Í sumar lék hún ellefu leiki fyrir Breiðablik sem endaði í 2. sæti í Pepsi Max-deildinni.
Athugasemdir