Liverpool vann alla sex leiki sína í riðlinum og er fyrsta enska félagið í sögunni til að gera það.

Fyrirfram var talið að Liverpool væri að fara í dauðariðil með AC Milan, Atletico Madrid og Porto. En styrkur Liverpool var of mikill fyrir hin liðin.

„Þetta átti að vera dauðariðill fyrir Liverpool, en þetta var auðvelt fyrir þá," sagði Owen á BT Sport eftir leikinn gegn Milan.

„Liverpool er mikið sterkara lið en hin liðin í riðlinum. Ef þeir hefðu verið með sitt sterkasta lið í öllum leikjunum, þá hefði þetta líklega verið vandræðalegt fyrir hin liðin."

Liverpool er að eiga mjög gott tímabil og verður áhugavert að sjá hvernig það þróast.