Búið er að gefa út handtökuskipun á Hurst eftir að hann mætti ekki fyrir dóm en hann var handtekinn þann 17. desember síðastliðinn fyrir að keyra undir áhrifum áfengis.

Lögreglan stoppaði Hurst þegar hann var að keyra í vitlausa átt í einstefnugötu. Hurst sagði við lögreglukonuna sem stoppaði hann að hann hefði ekki verið að drekka þar sem hann væri að fara að spila fótboltaleik daginn eftir. Honum var þá leyft að snúa við og keyra í burtu. En þegar komið var aftur á lögreglustöðina fékk lögreglan símtal um áframhaldandi vandræðagang á Hurst. Hann hafði verið að kasta af sér þvagi á almannafæri.

Hurst var eftir það handtekinn á bar í nágrenninu og færður til bókunar á lögreglustöðinni.

Eftir að hann hafði verið handtekinn breyttist skap hans mjög.

„Ég er milljónamæringur, ég borga sektina - mér er drullusama," á hann að hafa sagt við lögregluna en lögreglukonan Anita Hickish segir að hann hafi verið gífurlega hrokafullur og sagt við hana að hún ætti að „gúggla sig".

Áfengismagnið í blóði Hurst mældist tæplega helmingi hærra en það sem leyfilegt er í Bretlandi.

Drink-driving ex-Premier League footballer told cops: ‘I’m a millionaire, just fine me’ https://t.co/vRtXuuvG5B

— The Sun (@TheSun) April 6, 2018