Arnar Gunnlaugsson var gríðarlega svekktur eftir 0-0 jafntefli gegn Leikni í síðasta leik 4. umferðarinnar í Bestu Deild karla.
"Mér fannst frammistaða okkar góð miðað við hræðilegar aðstæður, við reyndum og reyndum og sköpuðum nokkur dauðafæri, mér fannst við vera með góða stjórn á leiknum, erfiður dagur erfiðar aðstæður og mjög fúlt að ná ekki í sigur" Sagði Arnar í viðtali eftir leik.
Lestu um leikinn: Leiknir R. 0 - 0 Víkingur R.
Víkingar mega vera brjálaðir út í Þorvald Árnason dómara þar sem Víkingar áttu að fá að minnsta kosti tvær vítaspyrnur ef ekki þrjár.
"Dómararnir eiga stundum "off" dag en ég hefði viljað sjá þá beita meiri skynsemi í þessum brotum það er svo augljóst í mínum augum þegar að Niko sparkar boltanum út af og boltinn fer svo langt í áttina frá markinu og það er svo augljóst það er bara Niko sem kemur við boltann. Það þarf engan stjarneðlisfræðing til að sjá það en þeir áttu bara off dag"
VAR í Bestu Deildina að mati Arnars?
"Ef það er eitthvað land sem þarf á VAR að halda þá er það Ísland, mér finnst samt dómgæslan hafa verið góð í sumar því þeir hafa verið að láta leikinn fljóta vel en ef þú ferð yfir leikinn þá er mikið af stórum atriðum sem gerir það að verkum að sum lið eru ofar en önnur í þessari deild og þar myndi VAR klárlega hjálpa"
Viðtalið má sjá hér í heild sinni fyrir ofan þar sem að Arnar talar um að elta Breiðablik, leikmannamál og annað.