Barcelona hefur verið í miklum fjárhagsvandræðum en á einhvern ótrúlegan hátt tókst félaginu að styrkja liðið vel í sumar.
Glugganum lauk um síðustu mánaðarmót en liðið neyddist til að selja og lána nokkra leikmenn til að geta skráð nýju leikmennina í hópinn fyrir tímabilið í deildinni.
Það komu fréttir fyrir lok gluggans um að félagið hafi verið í viðræðum við Inter um að ítalska félagið myndi fá Jordi Alba á láni.
Þetta kom mörgum á óvart, meðal annars Alba sjálfum sem hafði ekki hugmynd um þessar viðræður. Hann var ekki ánægður með vinnubrögð félagsins.
„Ég segi hlutina eins og þeir eru við fólk og ég vil að fólk geri það sama við mig. Ég ætla ekki að segja meira þó gæti ég sagt margt fleira. Það er ekkert sem kemur mér lengur á óvart í fótboltaheiminum," sagði Alba.
Sjá einnig:
Barcelona ekki að takast að koma Alba í burtu
Athugasemdir
