„Já, þetta er það skemmtilegasta við starfið, ég hlakka mikið til. Þetta er okkar síðasti heimaleikur og það er aukin ástæða til að hlakka til með allan þennan stuðning frá stuðningsmönnum"

Lettar lágu svolítið til baka í fyrri leik liðana og býst Svíinn við svipuðum leik núna.

„Ég held þetta verði svipaður leikur og fyrri leikurinn, það er hægt að bera þetta saman við heimaleikinn gegn Kasakstan líka. Þeir eru mjög skipulagðir og verjast mjög vel og koma með skyndisóknir, þeir eru með góða leikmenn og þetta verður erfiður leikur."

„Við þurfum klárlega að vera betri í síðasta þriðjungi vallarins, við stjórnuðum leiknum vel en við þurftum bara eitt stig og ég skil að leikmennirnir voru varkárir. Við þurfum að komast bakvið þá á köntunum og pressa meira á þá en við gerðum á móti Kasakstan."

Lagerback segir leikina mikilvæga þrátt fyrir að Íslands sé komið á EM.

„Við höfum talað um það við leikmennina að við verðum að komast úr þægindarammanum því við höfum komist áfram. Þessir leikir eru mikilvægir fyrir margar ástæður. Við eigum ennþá möguleika á að komast upp í þriðja styrkleikaflokk."

Hann segir stöðuna á hópnum góða og eru allir heilir heilsu nema Jón Daði sem varð fyrir hnjaski en það er ekkert alvarlegt.

„Allir eru fullir heilsu nema Daði (Jón Daði Böðvarsson) hann fór í myndatöku í gær en það var ekkert alvarlegt. Hann mun hvíla í dag og jafnvel fram yfir Lettaleikinn."

Hann segir rigninguna síðustu daga ekki vera vandamál.

„Þetta er ekkert mál fyrir mig, þetta er ekki slæmt veður, bara slæm föt."