08.10.24 - 08:30
Jóhann Þór Hólmgrímsson
Aðdáendur Napoli fá frían bjór í næstu heimsókn til Como
Mynd: EPA
Mynd: EPA
Como fékk mikið hrós frá stuðningsmönnum Napoli eftir leik liðanna í ítölsku deildinni á föstudaginn.
Leiknum lauk með 3-1 sigri Napoli en stuðningsmenn liðsins voru mjög hrifnir af nýliðum Como í leiknum.
Como sendi frá sér stutta yfirlýsingu þar sem félagið þakkaði stuðningsmönnunum fyrir jákvæð orð í sinn garð.
Þá ætlar félagið að bjóða öllum stuðningsmönnum Napoli upp á frían bjór þegar Napoli heimsækir Como í febrúar.
Napoli er á toppi deildarinnar með 16 stig eftir sjö umferðir en Como er í 14. sæti með átta stig.
