Hugo Lloris hefur lagt landsliðshankana á hilluna en þessi 36 ára gamli markvörður Tottenham á Englandi lék 145 landsleiki fyrir þjóð sína.
Þar af var hann fyrirliði í 121 leik en hann er leikjahæsti leikmaðurinn í sögu landsliðsins og enginn hefur leikið jafn marga leiki með fyrirliðabandið.
Hann varð heimsmeistari með liðinu í Rússlandi árið 2018 og sigurvegari í Þjóðadeildinni árið 2021. Þá er tæpur mánuður síðan hann tapaði í úrslitum á HM í Katar eftir vítaspyrnukeppni gegn Argentínu.
„Það kemur sá tímapunktur sem þú verður að átta þig á því að það er kominn tími á þetta. Ég vil ekki að þetta snúist um mig, ég hef alltaf sagt að enginn er stærri en franska landsliðið og við sjáum alltaf til þess. Liðið er tilbúið til að halda áfram og það er einnig markmaður sem er tilbúinn," sagði Hugo Lloris en þar talar hann um Mike Maignan markvörð AC Milan en hann missti af HM vegna meiðsla.
Hann segir einnig að ákvörðunin hafi verið tekin vegna þess að hann vilji fá meiri tíma með fjölskyldunni.
Notre gardien et capitaine ???????????????? ???????????????????????? prend sa retraite internationale ????
— Equipe de France ?? (@equipedefrance) January 9, 2023
???????? 145 sélections (recordman)
©? 121 capitanats (recordman)
???? Champion du Monde 2018
???? Vainqueur de la Ligue des Nations 2021
Une Légende ????
Bravo et MERCI pour tout Hugo ????#FiersdetreBleus pic.twitter.com/4kK41iAyt3
