,,Ég er fyrst og fremst svekktur, ég held að við höfum átt meira skilið út úr þessum leik, allavega annað stigið," sagði Gunnar Guðmundsson þjálfari Selfoss eftir 0-1 tap gegn KA á heimavelli í 1. deildinni í dag.
Lestu um leikinn: Selfoss 0 - 1 KA
,,Við gáfum ekki mörg færi á okkur og ég tel að við höfum fengið ósanngjarna vítaspyrnu á okkur. Við vorum óheppnir að nýta ekki allavega tvö mjög góð færi sem við fengum. Jafntefli hefði verið sanngjörn úrslit í þessum leik, ég er fyrst og fremst svekktur að ná ekki stiginu."
,,Það er fullt af hlutum, þú sérð í hverjum einasta leik hluti sem þarf að laga. Það er alveg klárt. Það var fullt af hlutum í þessum leik og margir strákar að spila sinn fyrsta deildarleik í Íslandsmóti. Þeir verða sterkari með hverri mínútu sem þeir fá. Ef við vinnum vel úr þessu á þetta bara eftir að vaxa."
Nánar er rætt við Gunnar í sjónvarpinu að ofan.
Athugasemdir
