Segir að meiðsli Ruben Dias gefi Liverpool von

Ruben Dias, miðvörður Man City, fór meiddur af velli í gær.

Mynd: Getty Images

Ruben Dias, miðvörður Man City, fór meiddur af velli í gær.

Mynd: Getty Images

Gary Neville segir að baráttunni um enska meistaratitilinn sé ekki lokið þrátt fyrir að Manchester City hafi náð þriggja stiga forystu um helgina.

Liverpool gerði 1-1 jafntefli við Tottenham á laugardag og Manchester City rúllaði yfir Newcastle 5-0 í gær. Bæði lið eiga þrjá deildarleiki eftir.

„Ég tel að Wolves eða West Ham gætu búið til vandræði fyrir Manchester City," segir Neville.

„Með Ruben Dias meiddan þá er liðið að fara að mæta liðum sem gætu sært það. Bæði lið hafa átt gott tímabil og City þarf að vera upp á sitt besta. Ég held að það eigi enn eitthvað eftir að gerast í titilbaráttunni, ég er alls ekki á því að þessu sé lokið."

„Ef City kemst í gegnum næstu tvo leiki þá muni þeir vinna þetta, en þessu er ekki lokið. Ég held að Liverpool muni ekki missa af stigum. Þeir munu klára sitt."

Miðvörðurinn Ruben Dias meiddist aftan í læri og mun missa af síðustu þremur leikjum City á tímabilinu. Þá mun John Stones heldur ekki spila meira á tímabilinu.

Næsti leikur Liverpool er gegn Aston Villa á Villa Park á þriðjudag en City mætir Wolves á Molineux sólarhring síðar.

Stöðutafla

#	Lið	L	mun	Stig
1	Man City	4	+6	12
2	Arsenal	5	+4	12
3	Brighton	5	+11	10
4	Brentford	5	+6	9
5	Everton	5	+3	9
6	Leeds	4	+4	8
7	Hull City	5	+2	8
8	Newcastle	5	0	8
9	Chelsea	5	-2	7
10	Liverpool	4	+2	6
11	Ipswich Town	5	-4	6
12	Nott. Forest	5	-1	5
13	Man Utd	4	0	4
14	Sunderland	4	-2	4
15	Aston Villa	5	-5	4
16	Bournemouth	4	-1	3
17	Crystal Palace	4	-5	3
18	Coventry	5	-9	3
19	Tottenham	5	-6	2
20	Fulham	4	-3	1