Hinn 16 ára gamli Lamine Yamal skoraði stórbrotið jöfnunarmark fyrir Spánverja gegn Frökkum áður en Dani Olmo kom þeim í 2-1, allt þetta á nokkrum mínútum.
Randal Kolo Muani kom Frökkum yfir með góðu skallamarki en Yamal svaraði tólf mínútum síðar.
Yamal fékk boltann rétt fyrir utan teiginn, lagði hann á vinstri og setti hann efst í vinstra hornið í stöng og inn. Þetta var fyrsta mark hans á mótinu og heldur betur mikilvægur tímapunktur til að setja það.
Aftur er gott að minna á að drengurinn er 16 ára gamall að spila á sínu fyrsta stórmóti. Hann er með eitt mark og þrjár stoðsendingar til þessa.
„Það þarf ekkert að lýsa þessu. Það er bara unun að horfa á þetta,“ sagði Ólafur Kristjánsson í lýsingunni á RÚV.
Yamal er yngsti markaskorarri í sögu Evrópumótsins. Enn eitt metið hjá honum.
Ungstirnið Lamine Yamal jafnaði metin með þessu stórkostlega langskoti. Þetta geta ekki margir 16 ára strákar í undanúrslitum EM ???? pic.twitter.com/uBSIdNB1LI
— RÚV Íþróttir (@ruvithrottir) July 9, 2024
Nokkrum mínútum síðar kom annað mark Spánverja. Dani Olmo átti skot sem fór af Jules Kounde og í netið. Staðan er 2-1 fyrir Spánverjum.
Dani Olmo kom Spánverjum yfir eftir frábæra hreyfingu. Jules Koundé reyndi að komast fyrir skotið en boltinn fór af honum og inn ???????? pic.twitter.com/OoIeWsicuq
— RÚV Íþróttir (@ruvithrottir) July 9, 2024
Athugasemdir