Kalli stýrði HK/Víkingum til sigurs í 1. deildinni
„Mér fannst ótrúlegt hugarfar hjá leikmönnum í dag Það var hátt spennustig og mikið af ungum stelpum sem eru ekki vanar svona stórum leikjum. En þær sýndu það í dag að þær eru tilbúnar í næstu verkefni,“ sagði Jóhannes Karl Sigursteinsson, stoltur þjálfari HK/Víkings, sem stýrði liðinu sínu upp um deild með 1-0 sigri á Selfoss fyrr í dag.
Lestu um leikinn: HK/Víkingur 1 - 0 Selfoss
Sigurinn í dag tryggði HK/Víkingum efsta sæti 1. deildar.
„Besta liðið í 1. Deild og þetta er hörkudeild þannig að það er ekki lítill heiður. Við erum feykilega ánægð og stolt af þessum árangri,“ sagði Kalli.
„Allir tímapunktar þar sem maður fer upp eru góðir og erfiðir. Þetta er spurning um það hvernig HK/Víkingur heldur á þessu í framhaldinu. Þetta er stórt skref en ef það er hægt að tala um að vera vel undirbúin þá er hópurinn okkar í dag á frábærum stað,“ sagði Kalli meðal annars en nánar er rætt við hann í sjónvarpinu hér að ofan.
Athugasemdir
