Tonali gerir eins árs langan lánssamning við Milan og mun berjast um byrjunarliðssæti á næstu leiktíð.

Milan getur í kjölfarið keypt Tonali fyrir 18 milljónir evra næsta sumar og myndi hann samanlagt kosta í kringum 35 milljónir með bónusgreiðslum.

Tonali er aðeins 20 ára gamall en hann lék með Brescia á síðustu leiktíð og vakti verðskuldaða athygli.

Einnig er tekið fram að Tonali hafi rætt við Gennaro Gattuso, fyrrum leikmann Milan, og beðið hann um leyfi til að klæðast treyju númer átta.

Gattuso var í uppáhaldi hjá Tonali er hann var yngri en í dag stýrir fyrrum miðjumaðurinn liði Napoli.