Daníel Leó Grétarsson lék allan leikinn er Álasund vann toppslaginn gegn Sandefjord í lokaumferð tímabilsins í norsku B-deildinni. Álasund var löngu búið að tryggja sér toppsætið og því aðeins verið að spila uppá stoltið.
Hólmbert Aron Friðjónsson fékk að spila síðasta hálftímann í sigrinum á meðan Davíð Kristján Ólafsson sat á bekknum.
Í liði Sandefjord spilaði Emil Pálsson allan leikinn á miðjunni. Bæði lið munu leika í efstu deild á næsta ári.
Aron Sigurðarson var þá utan hóps hjá Start sem var búið að tryggja sér þriðja sætið fyrir lokaumferðina. Start lagði Notodden á útivelli og gæti um leið hafa fellt liðið, sem þarf núna að vinna umspilsleik til að halda sætinu.
Aalesund 3 - 1 Sandefjord
0-1 W. Kurtovic ('21)
1-1 T. Agdestein ('24)
2-1 N. Castro ('69)
3-1 T. Agdestein ('79
Notodden 0 - 2 Start
0-1 Martin Ramsland ('27)
0-2 Martin Ramsland ('58)
Athugasemdir