Arnór Ingvi Traustason, leikmaður Malmö, kemur til móts við íslenska landsliðshópinn í Augsburg í Þýskalandi í dag en RÚV greinir frá þessu.
Arnór Ingvi varð sænskur meistari með Malmö í gær en eftir leik liðsins gegn Sirius greindist liðsfélagi hans Anders Christiansen með kórónuveiruna.
Sænskir fjölmiðlar sögðu frá því í morgun að leikmenn Malmö væru á leið í sóttkví en Arnór Ingvi fær að fara til móts við íslenska landsliðið.
Arnór Ingvi varð sænskur meistari með Malmö í gær en eftir leik liðsins gegn Sirius greindist liðsfélagi hans Anders Christiansen með kórónuveiruna.
Sænskir fjölmiðlar sögðu frá því í morgun að leikmenn Malmö væru á leið í sóttkví en Arnór Ingvi fær að fara til móts við íslenska landsliðið.
Ómar Smárason deildarstjóri samskiptadeildar KSÍ sagði við RÚV að allir í íslenska hópnum færu í skimun fyrir kórónuveirunni áður en þeir kæmu til Þýskalands og svo færu allir í hópnum aftur í skimun á morgun.
Arnór Ingvi væri þegar búinn að fara í tvö próf sem hefðu reynst neikvæð og því komi hann til liðs við íslenska hópinn í Augsburg í dag. Ómar tók þó fram að farið yrði sérstaklega varlega með hann um sinn. En það ætti þó reyndar við um allan hópinn á COVID tímum.
Arnór Ingvi hefur átt fast sæti í byrjunarliði Íslands að undanförnu og reikna má með að hann byrji á vinstri kantinum gegn Ungverjum á fimmtudag.
UPPFÆRT 11:20
Arnór Ingvi verður ekki með gegn Ungverjum
Athugasemdir