Ítalía: Leao skoraði tvö í sex marka jafntefli - Juventus vann slaginn um Tórínó

Nadir Zortea skoraði með þrumuskoti úr teignum eftir hornspyrnu en Milan svaraði tólf mínútum síðar. Tijjani Reijnders hefur verið einn af bestu mönnum ítölsku deildarinnar á þessu tímabili og hélt hann áfram að sýna snilli sína í kvöld.

Hann lyfti boltanum yfir vörn Milan og á Rafael Leao sem vippaði honum yfir markvörð Cagliari og í netið.

Leao gerði annað mark sitt undir lok fyrri hálfleiks. Youssouf Fofana sendi langan bolta í gegn á Leao sem skoraði af öryggi.

Gabriele Zappa jafnaði metin snemma í síðari. Hann slapp í gegn hægra megin og setti boltann framhjá Mike Maignan í markinu.

Mílanó-menn komust í 3-2 á 69. mínútu. Tammy Abraham var réttur maður á réttum stað eftir að markvörð Cagliari hafði varið skot Christian Pulisic út í teiginn og skoraði enski sóknarmaðurinn af stuttu færi.

Gestirnir gátu lítið gert í þriðja marki Cagliari sem kom á 89. mínútu. Fyrirgjöfin kom frá vinstri og út í teiginn, en þar mætti Zappa á ferðinni, tók skotið viðstöðulaust á lofti og hamraði honum efst í hægra hornið. Óverjandi skot.

Lokatölur 3-3. Ekkert sérstaklega góð úrslit fyrir Milan sem er í 7. sæti með 18 stig á meðan Cagliari er í 16. sæti með 10 stig.

Timothy Weah og Kenan Yildiz sáu til þess að Juventus ynni slaginn um Tórínó-borg.

Weah skoraði á 18. mínútu. Andrea Cambiaso keyrði inn í teiginn vinstra megin, lét vaða á markið, en boltinn var varinn út í teiginn á Weah sem lagði hann í netið.

Yildiz tryggði sigurinn á 84. mínútu með skalla eftir fyrirgjöf Francisco Conceicao.

Juventus er í 3. sæti með 24 stig en Torino í 11. sæti með 14 stig.

Cagliari 3 - 3 Milan
1-0 Nadir Zortea ('2 )
1-1 Rafael Leao ('15 )
1-2 Rafael Leao ('40 )
2-2 Gabriele Zappa ('53 )
2-3 Tammy Abraham ('69 )
3-3 Gabriele Zappa ('89 )

Juventus 2 - 0 Torino
1-0 Tim Weah ('18 )
2-0 Kenan Yildiz ('84 )