„Já ég er sáttur með 4-1 sigur alveg klárlega, þrátt fyrir að þetta hafi verið erfiðari fæðing heldur en ég hefði kosið. Ég held við hefðum getað verið komnir í fjögur eftir 15-20 mínútur," sagði Ómar Ingi, þjálfari HK, eftir leik þeirra á móti Þrótti Vogum.
Lestu um leikinn: HK 4 - 1 Þróttur V.
„Við vorum að spila okkur tiltöllulega auðveldlega í ansi auðveldlega nálægt þeirra vítateig og í kringum hann. Við töluðum um það í hálfleik að það vantaði kannski aðeins meiri ákveðni og óeigingjörn hlaup til að búa til pláss fyrir einhvern annan í seinni hálfleiknum."
„Mér fannst illa farið með Örvar þarna nokkrum sinnum og sérstaklega inni í vítateignum einusinni þar sem maðurinn hleypur hann bara niður óskiljanlega fannst mér, en hann hafði enga þolinmæði til þess að ræða það."
Athugasemdir