Ívar Örn Jónsson
„Við ætluðum að sækja sigur hér í dag en leikurinn fer svolítið úr skorðum. VIð fáum á okkur mark og missum mann út af. Mér fannst við bregðast vel við því samt og þetta var leikur alveg til loka og við erum bara hundfúlir að hafa ekki fengið neitt út úr honum.“
Sagði Ívar Örn Jónsson leikmaður HK eftir 4-3 tap HK gegn Grindavík suður með sjó fyrr í dag.
Sagði Ívar Örn Jónsson leikmaður HK eftir 4-3 tap HK gegn Grindavík suður með sjó fyrr í dag.
Lestu um leikinn: Grindavík 4 - 3 HK
Ívar sem leikur sem vinstri bakvörður í dag hefur átt gott tímabil í liði HK sem þegar hefur tryggt sér sæti í Bestu deildinni að ári. Fyrir það var hann verðlaunaður í dag þegar lið ársins í Lengjudeildinni var tilkynnt í útvarpsþættinum Fótbolta.net í dag. En þar er Ívar í varnarlínunni.
„Ég er mjög ánægður með það og vill þakka Fótbolta.net fyrir það og það er mikill heiður. Stefnan var alltaf að fara upp með uppeldisfélaginu og fara aftur í úrvalsdeild. Það var auðvitað hræðilegt að falla í fyrra en við náðum að rétta úr kútnum og fara beint upp aftur sem er mjög ánægjulegt. Maður var svo sjálfur ekki ánægður með tímabilið í fyrra svo það er fínt að fá svona viðurkenningu og er ég mjög þakklátur fyrir hana.“
Þjálfari HK Ómar Ingi Guðmundsson var valinn þjálfari ársins í Lengjudeildinni fyrir að stýra liðinu upp. Fréttaritari spurði Ívar hvernig hefði verið að leika fyrir Ómar sem tók nokkuð óvænt við liðinu snemma í mótinu,
„Bara hrós á Ómar og teymið hjá honum. Bara að hafa tekið stjórnina strax. Það var mjög auðvelt að missa þetta í eitthvað, þetta er mikið millibilsástand þegar við missum þjálfarann svona stutt inn í mótið en þeir tóku bara stjórnina strax og fóru að vinna þetta eftir sínum gildum og það var bara frábært. Það hefur gengið mjög vel og bara ekkert nema stórt hrós á Ómar og teymið.“
Sagði Ívar en allt viðtalið má sjá hér að ofan.
Athugasemdir
