Man City setur verðmiða á Cancelo - Simons eftirsóttur - Lille hafnar Liverpool
   lau 11. maí 2024 16:00
Ívan Guðjón Baldursson
Besta deildin: Þægilegt fyrir ÍA í nýliðaslagnum
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
ÍA 3 - 0 Vestri
1-0 Viktor Jónsson ('38)
2-0 Johannes Vall ('57)
3-0 Guðfinnur Þór Leósson ('67)

Lestu um leikinn: ÍA 3 -  0 Vestri

ÍA tók á móti Vestra í nýliða- og Vesturlandsslag í Bestu deild karla í dag og voru heimamenn sterkari aðilinn í nokkuð bragðdaufum fyrri hálfleik.

Á 35. mínútu komst Vladimir Tufedgdzic nálægt því að taka forystuna fyrir gestina frá Ísafirði en skot hans endaði í hliðarnetinu og þremur mínútum síðar tóku heimamenn forystuna.

Viktor Jónsson var þar á ferðinni þar sem hann skoraði gott mark eftir laglega skyndisókn. Skagamenn hótuðu að tvöfalda forystuna á lokamínútum fyrri hálfleiks en það hafðist ekki og var staðan 1-0 í leikhlé.

Vestri byrjaði seinni hálfleikinn af krafti en tókst ekki að skapa mikla hættu áður en Johannes Vall tvöfaldaði forystu ÍA með marki beint úr aukaspyrnu sem verður að skrifast á William Eskelinen markvörð Vestra. Davíð Smári Lamude, þjálfari Vestra, var brjálaður út í markvörðinn sinn og lét hann heyra það.

Vestramenn misstu dampinn við þetta seinna mark og innsiglaði Guðfinnur Þór Leósson sigur Skagamanna á 67. mínútu, eftir önnur slæm markmannsmistök hjá William.

ÍA komst nálægt því að gera fjórða markið en það tókst ekki. Lokatölur 3-0 og klifra Skagamenn uppfyrir Val og KR á stöðutöflunni með þessum sigri. Vestri situr eftir með 6 stig.
Besta-deild karla
Lið L U J T Mörk mun Stig
1.    Víkingur R. 10 8 1 1 25 - 10 +15 25
2.    Breiðablik 10 7 1 2 24 - 12 +12 22
3.    Valur 10 6 3 1 23 - 12 +11 21
4.    FH 9 4 2 3 16 - 16 0 14
5.    ÍA 9 4 1 4 18 - 13 +5 13
6.    Fram 9 3 4 2 12 - 12 0 13
7.    Stjarnan 10 4 1 5 17 - 18 -1 13
8.    KR 9 3 2 4 18 - 19 -1 11
9.    Vestri 9 3 1 5 11 - 20 -9 10
10.    HK 9 2 1 6 8 - 17 -9 7
11.    KA 9 1 2 6 13 - 23 -10 5
12.    Fylkir 9 1 1 7 12 - 25 -13 4
Athugasemdir
banner
banner