Það komu nokkrir Íslendingar við sögu í æfingaleikjum dagsins víða um Evrópu, þar sem Helgi Fróði Ingason var í byrjunarliði Helmond og skoraði eina mark liðsins í æfingaleik gegn SK Lierse.
Helgi Fróði skoraði á 33. mínútu en Lierse jafnaði skömmu síðar og var ekkert skorað í síðari hálfleik. Helgi fékk að spila fyrstu 60 mínútur leiksins með Helmond, sem leikur í næstefstu deild í Hollandi.
Guðlaugur Victor Pálsson var þá í byrjunarliði Plymouth sem tapaði 1-0 gegn Eintracht Braunschweig er liðin mættust í Austurríki á meðan Kolbeinn Birgir Finnsson spilaði seinni hálfleikinn í 4-0 sigri hjá FC Utrecht gegn Kaizer Chiefs frá Suður-Afríku. Davíð Kristján Ólafsson var svo í byrjunarliðinu hjá Cracovia sem sigraði gegn Podbrezova frá Slóvakíu.
Að lokum hafði Daníel Leó Grétarsson betur gegn Breka Baldurssyni þegar þeir mættust í Íslendingaslag í Danmörku. Sönderjyske sigraði viðureignina gegn Esbjerg með tveimur mörkum gegn einu.
Helmond 1 - 1 Lierse
1-0 Helgi Fróði Ingason ('33)
1-1 Leikmaður Lierse ('39)
Utrecht 4 - 0 Kaizer Chiefs
Braunschweig 1 - 0 Plymouth
Cracovia 2 - 0 Podbrezova
Esbjerg 1 - 2 Sonderjyske
Athugasemdir
