Atli Hrafn Andrason, leikmaður Víkings, gæti verið á leið í Breiðablik en Hjörvar Hafliðason í Dr. Football greindi frá þessu á Twitter í dag.
Haraldur Haraldsson, framkvæmdastjóri Víkings, segir að félagaskiptin gætu gengið í gegn.
Haraldur Haraldsson, framkvæmdastjóri Víkings, segir að félagaskiptin gætu gengið í gegn.
„Þetta er í kortunum en er ekki frágengið. Þeir hafa lýst yfir áhuga á honum og þetta er galopið," sagði Haraldur við Fótbolta.net í dag.
Atli Hrafn, sem er kant og miðjumaður, er uppalinn hjá KR en hann fór árið 2016 til Fulham í Englandi.
Atli kom aftur til Íslands árið 2018 en hann gekk þá í raðir Víkings þar sem hann hefur skorað tvö mörk í 36 leikjum í Pepsi Max-deildinni.
Doc án landamæra eftir smástund. Atli Hrafn Andrason er genginn til liðs við Breiðablik frá Víkingum ef marka má þá Víkinga sem ég mætti í Traðarlandi í hinni daglegu morgungöngu Doc. Skiptin staðfest síðar í dag. Drop uppúr 11. pic.twitter.com/Cu3fAbYKIa
— Hjörvar Hafliðason (@hjorvarhaflida) August 11, 2020
Athugasemdir
