Todd Boehly, eigandi Chelsea, vill ólmur kaupa brasilíska táninginn Endrick frá Palmeiras.
The Times segir núna frá því að Chelsea hafi boðið Endrick og fjölskyldu hans á æfingasvæði félagsins. Einnig var þeim boðið að hitta varnarmanninn Thiago Silva, sem er einn af bestu varnarmönnum í sögu Brasilíu.
The Times segir núna frá því að Chelsea hafi boðið Endrick og fjölskyldu hans á æfingasvæði félagsins. Einnig var þeim boðið að hitta varnarmanninn Thiago Silva, sem er einn af bestu varnarmönnum í sögu Brasilíu.
Endrick er yngsti markaskorari í sögu brasilíska félagsins Palmeiras, en hann var 16 ára og 96 daga gamall þegar hann skoraði á dögunum.
Það hefur verið mikil umfjöllun um þennan strák síðustu mánuði en hann þykir með efnilegri leikmönnum í heimi. Hann gerði nýverið þriggja ára samning við Palmeiras sem gildir til 2025 og er hann með riftunarákvæði í samningnum sem gerir félögum kleift að fá hann fyrir 60 milljónir evra.
Endrick hefur heimsótt félög á borð við Barcelona og Real Madrid en öll stærstu félög Evrópu hafa fylgst með honum síðasta árið.
Núna hefur hann líka heimsótt Chelsea sem telur sig vera í kapphlaupinu og vonast Lundúnafélagið til að landa honum. Hann hefur líka verið sterklega orðaður við Paris Saint-Germain, ásamt Barcelona og Real Madrid.
Brasilíumaðurinn getur ekki formlega gengið til liðs við félög í Evrópu fyrr en hann hefur náð 18 ára aldri.
Athugasemdir
