Þorsteinn Daníel Þorsteinsson hefur yfirgefið Selfoss en þessi 28 ára gamli leikmaður fór upp alla yngri flokkana hjá félaginu. Þorsteinn lék sinn fyrsta meistaraflokks leik fyrir Selfoss sumarið 2013 í 1. deild.
Síðan þá hefur hann spilað 241 leik og skorað 13 mörk. Hann lék 6 leiki með liðinu í Lengjudeildinni í sumar.
„Ég vil þakka þeim leikmönnum og þjálfurum sem ég hef unnið með í gegnum tíðina kærlega fyrir tímann. Ég kveð Selfoss með trega en það er engin hætta á öðru en að ég verði í stúkunni í framtíðinni sem stuðningsmaður liðsins. Takk fyrir mig og áfram Selfoss,” segir Þorsteinn í kveðju sinni til Selfyssinga.
„Þorsteinn hefur verið frábær þjónn fyrir félagið, bæði innan vallar sem utan. Knattspyrnudeild Selfoss þakkar Þorsteini fyrir hans framlag í gegnum árin og óskar honum alls hins besta í framtíðinni." segir í tilkynningu frá Selfossi.