Mourinho fagnaði af innlifun er Porto sló út Manchester United í Meistaradeild Evrópu árið 2004. Hann hljóp allan völlinn, eitthvað sem sést ekki oft hjá þjálfurum í Evrópuboltanum.

Hann endurtók þetta gegn Sassuolo í kvöld í 1000. leiknum á þjálfaraferlinum þegar El Shaarawy skoraði.

Mourinho hljóp alla endalínuna og fagnaði með leikmönnum og stuðningsmönnum.

„Ég laug að öllum. Ég sagði að það þessi 1000. leikur skipti mig engu máli en ég var skíthræddur um að tapa. Við unnum sem betur fer og ég hljóp eins og krakki. Mér leið eins og ég væri 12 ára en ekki 58 ára," sagði Mourinho.