Hannes er eini íslenski leikmaðurinn sem spilað hefur í asersku deildinni.
Það var þétt setið í fréttamannaherberginu á Neftci vellinum í Bakú í dag þar sem Arnar Gunnlaugsson landsliðsþjálfari og Hákon Arnar Haraldsson fyrirliði sátu fyrir svörum.
Aserskir fjölmiðlamenn sýna íslenska liðinu talsverðan áhuga og spurningum rigndi á þá Arnar og Hákon.
Aserskir fjölmiðlamenn sýna íslenska liðinu talsverðan áhuga og spurningum rigndi á þá Arnar og Hákon.
Í leikskrá leiksins er svo kynning á íslenska liðinu og íslenskum fótbolta í heild sinni.
Þá má í blaðinu finna viðtal við Hannes Þór Halldórsson, fyrrum landsliðsmarkvörð Íslands. Hannes er eini Íslendingurinn sem leikið hefur í deildarkeppninni í Aserbaísjan en hann var hjá Qarabag 2018.
Í viðtalinu segir Hannes að erfiður leikur bíði íslenska liðsins enda allt annað að mæta Aserum á þeirra heimavelli. Hann segist hugsa hlýlega til þess tíma sem hann var í Bakú og óskar Qarabag áframhaldandi velgengni.
Ísland þarf sigur í Bakú til að vera öruggt með úrslitaleik gegn Úkraínu í lokaumferðinni á sunnudaginn, um sæti í umspilinu. Ef Úkraína tapar gegn Frakklandi mun Íslandi þá nægja jafntefli í þeim leik.
Athugasemdir
