ÍBV hefur mikinn áhuga á því að fá Liam Daða Jeffs í sínar raðir frá Þrótti Reykjavík. Kristján Kristjánsson, formaður fótboltadeildar Þróttar, staðfestir að ÍBV hafi lagt fram tilboð í leikmanninn.
„Það er ekkert samkomulag í hendi eða neitt slíkt, en ég get staðfest að ÍBV hefur áhuga og hefur lagt fram tilboð."
„Það er ekkert samkomulag í hendi eða neitt slíkt, en ég get staðfest að ÍBV hefur áhuga og hefur lagt fram tilboð."
Liam Daði er sóknarmaður sem fæddur er árið 2006 og er fæddur í Vestmannaeyjum. Hann lék sinn fyrsta meistaraflokksleik fyrir ÍBV í Lengjudeildinni 2021 og Eyjamenn vilja fá Liam heim, en hann er samningsbundinn Þrótti út næsta tímabil.
Hann skoraði tíu mörk í 24 Lengjudeildarleikjum með Þrótti á síðasta tímabili.
Faðir Liams er Ian Jeffs sem er í dag þjálfari kvennaliðs Breiðabliks. Hann var þjálfari Þróttar tímabilin 2022-23.
Ian Jeffs er Englendingur sem kom til Íslands árið 2003 og spilaði með ÍBV, Fylki, Val og KFS á sínum leikmannaferli á Íslandi.
Athugasemdir
