Þrjár ungar og uppaldar fótboltastelpur voru að skrifa undir samninga við FHL sem mun leika í Bestu deildinni í ár eftir að hafa sigrað Lengjudeildina með miklum yfirburðum í fyrra.
Sóldís Tinna Eiríksdóttir er reyndust þessara þriggja leikmanna en hún er fædd 2005 og hefur þrátt fyrir ungan aldur spilað 44 meistaraflokksleiki samkvæmt vefsíðu KSÍ.
Áslaug María Þórðardóttir, fædd 2006, er einnig búin að skrifa undir eftir að hafa spilað 12 meistaraflokksleiki á ferlinum og að lokum samdi Margrét Lilja Skarphéðinsdóttir, fædd 2007, einnig við uppeldisfélagið.
Margrét Lilja er með fimm meistaraflokksleiki að baki.
Athugasemdir
