,,Maður horfði á Skagann spila í sjónvarpinu þegar maður var lítill og maður vildi spila stóra leiki hérna og það er gaman að koma og skora. Skemmtilegast er samt að vinna leikinn og fagna inni í klefa," sagði Kristinn Freyr Sigurðsson leikmaður Vals eftir 1-3 sigur á ÍA í kvöld.
,,Við erum að vinna fyrir hvorn annan, hlaupa og berjast. Það skiptir gríðarlegu máli, sérstaklega á móti liði eins og Skaganum sem eru baráttuglaðir og vilja henda honum fram. Við gerðum það vel að vinna seinni boltann og vera grimmir og berja á þeim eins og þeir börðu á okkur."
,,Ég bjóst ekki við þessu roki, það var ekki svona í upphitun fannst mér. Í seinni hálfleik var mikill vindur á okkar mark og seinni hálfleikurinn var ekki skemmtilegur útaf því, boltinn var alltaf útaf og maður vill ekki að boltinn sé útaf."
Nánar er rætt við Kristin í sjónvarpinu að ofan.
Athugasemdir
