Orri Hrafn Kjartansson var maður leiksins þegar Fylkir vann hrikalega dýrmætan 2-1 sigur gegn KA í Árbænum í kvöld. Hann skoraði glæsilegt sigurmark í leiknum.
Orri var hrikalega skemmtilegur allan leikinn og bjó til mikil vandræði fyrir varnarmenn KA.
Orri var hrikalega skemmtilegur allan leikinn og bjó til mikil vandræði fyrir varnarmenn KA.
Lestu um leikinn: Fylkir 2 - 1 KA
„Ég er gríðarlega sáttur og þetta eru langþráð þrjú stig," sagði Orri eftir leikinn.
Um sigurmarkið sem hann skoraði:
„Ég er mjög ánægður því ég hef það markmið að keyra á menn og nýta hraðann, keyra á þetta og ná skoti á markið. Loksins fór hann inn."
„Við erum með gott fótboltalið og með leikmenn sem eru með hraða og mikla tækni. Það á ekki að vera vandamál fyrir þetta lið að skapa færi og skora mörk."
KA var nálægt því að jafna leikinn í blálokin en þá átti liðið stangarskot. Hvernig var að sjá þetta skot í lokin?
„Það var hrikalega vont, tíminn stóð í stað en þetta sem betur fer kláraðist þetta," sagði Orri eftir leikinn en viðtalið er í heild sinni hér að ofan.
