Fyrir tveimur og hálfu ári var Carrasco, sem á 42 landsleiki fyrir Belgíu, seldur til Dalian Professional. Hann reyndist algjör lykilmaður og skoraði 24 mörk í 52 leikjum á tveimur árum í kínverska boltanum.

Carrasco gerði fína hluti að láni hjá Atletico í sumar og ákvað félagið að kaupa hann til baka frá Kína fyrir um 15 milljónir evra. Dalian greiddi rúmar 10 milljónir fyrir Carrasco í febrúar 2018.

Carrasco er 27 ára gamall. Hann er vinstri kantmaður að upplagi en getur einnig spilað hægra megin. Hann er búinn að skrifa undir fjögurra ára samning við Atletico.