Thiago Motta, stjóri Juventus, hefur byrjað ágætlega með liðið síðan hann tók við í sumar.
Liðið er taplaust í deildinni en hefur gert fjögur jafntefli í fyrstu sjö leikjunum. Liðið hefur aðeins fengið á sig eitt mark.
Motta vill hins vegar styrkja sóknarleikinn sinn en ítalskir fjölmiðlar greina frá því að Dominic Calvert-Lewin og Beto, framherjar Everton, séu á óskalista ítalska félagsins.
Félagið vill fá Beto strax í janúar en hann hefur aðeins skorað þrjú mörk í 30 leikjum fyrir enska félagið en árangur hans á Ítalíu gæti hins vegar vegið þungt fyrir Juventus þar sem hann skoraði 22 mörk í 65 leikjum fyrir Udinese á sínum tíma.
Þá vill félagið fá Calvert-Lewin á frjálsri sölu eftir tímabilið þegar samningur hans við Everton rennur út.
Athugasemdir
