Það fara fjórir spennandi leikir fram í riðlakeppni Meistaradeildar kvenna í dag og í kvöld þar sem tvö Íslendingalið mæta til leiks.
Þýska stórveldið Wolfsburg heimsækir Galatasaray í A-riðli og má búast við að Sveindís Jane Jónsdóttir komi inn af bekknum í þeirri viðureign.
Wolfsburg hefur farið óvenjulega illa af stað í Meistaradeildinni og er án stiga eftir tapleiki gegn AS Roma og Olympique Lyon í fyrstu tveimur umferðunum. Wolfsburg þarf sigur gegn Galatasaray í dag og í næstu umferð til að blanda sér aftur í baráttuna um tvö efstu sæti riðilsins.
Þá eru góðar líkur á því að Amanda Jacobsen Andradóttir verði í byrjunarliði FC Twente sem heimsækir Real Madrid í B-riðli.
Twente og Real Madrid deila öðru sæti riðilsins eftir sigurleiki gegn Celtic og tapleiki gegn stórveldi Chelsea.
Roma mætir svo Lyon í stórleik í kvöld á meðan Celtic og Chelsea eigast við.
Leikir dagsins:
17:45 Galatasaray - Wolfsburg
17:45 Real Madrid - Twente
20:00 Roma - Lyon
20:00 Celtic - Chelsea
Athugasemdir
