Kórdrengir halda áfram að styrkja hópinn sinn fyrir komandi átök í 2. deildinni. Þeir eru búnir að ganga frá samningi við markvörðinn Andra Þór Grétarsson.
Andri Þór er fæddur 1998 og lék níu leiki með Aftureldingu í fyrra áður en hann hélt til náms í Bandaríkjunum. Sumarið 2018 var hann aðalmarkvörður Mosfellinga í 2. deildinni en þar áður lék hann fyrir HK.
Andri er hálfbróðir Ingvars Þórs Kale sem varði mark Kórdrengja áður en hann lagði hanskana á hilluna í vetur.
Andri á ellefu leiki að baki fyrir yngri landslið Íslands og mun vafalítið reynast mikilvæg viðbót við leikmannahóp Kórdrengja.
Athugasemdir