Moyes fékk það erfiða verkefni að taka við Man Utd af Sir Alex Ferguson árið 2013. Liðið var í sjöunda sæti deildarinnar þegar Moyes var rekinn eftir tíu mánuði í starfi. Hann fékk sex ára samning þegar hann tók við liðinu.

Moyes hefur hins vegar verið að gera frábæra hluti með West Ham en félagið er þessa stundina í mikillri baráttu um Meistaradeildarsæti og því leikurinn í kvöld gífurlega mikilvægur fyrir bæði lið.

Solskjær tók tímabundið við United í desember árið 2018 þegar Jose Mourinho var rekinn. Hann var síðan ráðinn nýr stóri liðsins í mars mánuði 2019 en náði einungis að stýra liðinu í sjötta sætið á þeirri leiktíð. Í fyrra hafnaði liðið svo í þriðja sætinu.

„Þú getur ekki vorkennt einhverjum sem hefur stýrt Manchester United. Moyes er að sýna samt hversu megnugur hann er hjá West Ham,” sagði Ole.

„Ekkert ætti að koma á óvart í fótboltanum. En Moyes hefur bætt lið West Ham gífurlega mikið, það sjá allir. Þeir eru með Antonio sem er að spila vel, Soucek er að skora mörkin og Moyes hefur byggt ofan á það.”

„Þú sérð hversu vel skipulagt lið þetta er og þeir eru að sýna stöðugleika."

Leikurinn í kvöld hefst klukkan 19:15 á Old Trafford.