Kacper Kozlowski, miðjumaður Brighton á Englandi, er á leið til Gaziantespor í Tyrklandi.
Kozlowski er tvítugur leikmaður sem tókst aldrei að spila leik fyrir aðallið Brighton.
Hann var keyptur til félagsins fyrir tveimur árum eftir frábæra spilamennsku með Pogo? Szczecin í heimalandinu. Þar var hann valinn nýliði ársins í pólsku úrvalsdeildinni.
Brighton lánaði hann þrisvar sinnum út. Fyrst til Union SG í Belgíu og þá lék hann síðustu tvær leiktíðir hjá Vitesse í Hollandi.
Samkvæmt Fabrizio Romano er hann nú á leið til Gaziantespor í Tyrklandi. Félagið hefur sent fram tilboð og er búist við að félögin nái samkomulagi á næstu dögum.
Brighton hefur gefið græna ljósið á að selja þennan öfluga miðjumann.
Kozlowski spilaði 6 A-landsleiki með Póllandi árið 2021 en hefur ekki spilað landsleik síðan.
Athugasemdir
