| mán 14.ágú 2017 20:54 |
|
Óli Stefán: Juanma er tilfinningasprengja
Óli Stefán var ánægður með sigurinn gegn ÍA í kvöld
Lestu um leikinn: Grindavík 3 - 2 ÍA
Grindvíkingar lentu tvisvar undir gegn Skagamönnum í kvöld en sýndu karakter og komu til baka í bæði skiptin, þökk sé vítaspyrnumörkum Andra Rúnars Bjarnasonar.
„Við höfum alltaf haldið áfram sömu vinnunni, og reynt. Ég get sagt þér það í fyrri hálfleik að þegar Alexander klikkar á dauðafæri og Rene klikkar á dauðafæri, þá hélt ég að við værum að fara í gegnum enn einn svona kafla. En gríðarlega sterkt hjá strákunum að halda áfram, og þá sér í lagi að lenda tvisvar undir á móti sterku Skagaliðið. Þeir eru svo physical og það er svo erfitt að spila á móti þeim."
Fyrir mót settu Grindvíkingar upp markmið að ná 22 stigum og átti það að duga þeim til þess að halda sæti sínu í deildinni. Markmiðið náðist í dag.
„Við höfum í undanförnum leikjum, á meðan að við höfum verið í þessum kafla, þá höfum við tekið það svolítið frá og fókusað að eitt verkefni í einu. Undir niðri erum við að fara að gera betur en Grindavík hefur gert áður."
Gunnar Þorsteinsson, fyrirliði Grindavíkur lék í öftustu varnarlínu í kvöld, en ekki á miðjunni líkt og hann hefur gert í sumar.
„Ég vildi hafa vinstri fótar mann niðri í hafsentnum. Vegna þess að það gefur okkur meiri möguleika sóknarlega, eins líka að fá leiðtogann niður í öftustu línu. Hann brást mér ekki í dag.".
Juanma Ortiz átti ótrúlega innkomu í lið Grindavíkur í dag en hann kom inn á 69. mínútu. Á 20 mínútum tókst honum að fiska víti, sem Andri Rúnar skoraði úr, skora sjálfur og fá tvö gul spjöld og þar með rautt.
„Ég er bara gríðarlega ánægður með hann í dag. Þó hann hafi gert mistök með því að fagna og fara úr og fá gult spjald, þá fyrirgef ég honum það algjörlega. Hann er tilfinningasprengja og það er hans leikur. Á endanum var það hans innkoma sem réði úrslitum í dag."
Athugasemdir
Nýjustu fréttirnar
15:30
