Enska knattspyrnusambandið hefur ákært Ralph Hasenhuttl stjóra Southampton fyrir ummæli sín í garð Mike Dean dómara.
Dean var myndbandsdómari í leik Southampton og Chelsea um síðustu helgi en James Ward Prowse leikmaður Southampton fékk að líta rauða spjaldið eftir að brot hans var skoðað aftur í VAR.
Martin Atkinson var með flautuna í leiknum en hann gaf Ward-Prowse gult fyrir brot á Jorginho. Dean ráðlagði honum að skoða atvikið aftur og þá breytti hann spjaldinu í rautt.
„Það er alltaf vandamál þegar við vitum að Mike Dean er myndbandsdómari því við höfum ekki góða reynslu af honum," sagði Hasenhuttl
Knattspyrnusambandið tók ekki vel í þessi ummæli en hann hefur til þriðjudagsins 19 október til að svara fyrir sig.
Athugasemdir